Sot júıesindegi problemalar áli tolyǵymen sheshimin tappaı otyr - Joǵarǵy sot tóraǵasy
«Otandyq sot tóreliginiń jetistigi týraly aıta otyryp, biz barlyq problemalardyń áli óz sheshimin tappaı otyrǵanyn moıyndaýymyz kerek. Sot júıesi qoǵamdyq suranystar men memlekettik múddege saı udaıy jetildirý úderisin basynan ótkerip keledi», - deı kele Joǵarǵy soty tóraǵasy júıedegi sheshýdi talap etetin birqatar problemalarǵa da toqtalyp ótti.
«Búgingi kúni sýdıalar qym-qýyt qarbalas pen ıntensıvti joǵary dene jáne psıhoemotsııalyq aýyrtpashylyqtar formatynda eńbek etip júr. Áli kúnge sot óndirisin ońaılatý jumystary tolyq atqarylmaı keledi. Tek birqatar formaldy normalardy zańnamadan joıýmen ǵana shektelip otyr. Problemalardyń bulaısha sheshilýi aýyrtpashylyqqa eshqandaı da septigin tıgizgen emes. Sottardaǵy bıýrokratızm de joıylǵan emes. Qoldanystaǵy azamattyq is júrgizý zańnamasy sottarǵa kelip túsetin ótinishterdiń barlyǵyn jumysqa alýdy mindetteıdi. Al ondaı ótinishterdiń keıbiri tıimdiligi jáne shyǵyndylyǵy jaǵynan negizsiz bolyp tabylatynyn da aıta ketken jón», - deıdi Q. Mámı.
«Máselen, Almaty qalasynyń Medeý aýdandyq salyq basqarmasy sotqa zańdy tulǵalardyń derbes shotyndaǵy salyqqa artyǵymen tólengen 8-9 teńgeni shyǵaryp tastaý týraly júgingen. Bul sotqa jasalǵan ótinish bolǵandyqtan, ol is te qaralyp, sheshim shyqty. Jalpy, mundaı mólsheri myń teńgeden de aspaıtyn talap-aryzdar úlesi barlyq salyq daý-damaılarynyń úshten birin quraıdy», - dedi ol.