Sot úkimimen elden qýylǵan Ózbekstan azamaty aty-jónin ózgertip, qaıtyp kelgen
Qaraǵandy qalasynyń ýchaskelik ınspektorlary páter aralap júrgende 27 jastaǵy er adam kúdik týǵyzǵan.
Qujattaryn tekserý barysynda onyń Ózbekstan Respýblıkasynyń azamaty ekeni anyqtaldy.
Degenmen onyń usynǵan tólqujaty kúmándi kórindi. Keıin qujattyń jalǵan ekeni belgili boldy.
Aıta keteıik, atalǵan azamat 2019 jyly Qaraǵandyǵa kelip, kóshi-qon zańnamasyn buzǵan. Buǵan qosa, ol Qazaqstan aýmaǵynda júrip-turý merzimin saqtamady.
Qaraǵandy mamandandyrylǵan aýdanaralyq ákimshilik sotynyń sheshimimen oǵan elge birneshe jylǵa kirýge tyıym salynǵan.
Ózbekstanda júrgen kezinde atalǵan jigit óziniń jeke málimetterin tolyǵymen ózgertken: tegin, atyn, ákesiniń atyn.
Jańa tólqujat jasatyp, Qazaqstanǵa qaıta oralǵan.
Alaıda onyń mundaı qıturqy amal-áreketi áshkere bolyp qaldy.
Sondaı-aq «Zańsyz - 2022» jedel aldyn alý sharasy barysynda polıtseıler Tájikstan Respýblıkasynyń 25 jastaǵy azamatyn anyqtady.
Sheteldiktiń tólqujatynda onyń Qazaqstan shekarasynan ótkeni týraly belgi bolmaǵan.
Eki derek boıynsha QR QK 392-baby «memlekettik shekarany qasaqana zańsyz kesip ótý» boıynsha qylmystyq is qozǵaldy.
Tergeý amaldary júrgizilip jatyr.