Sot Tengri Bank qatysty qylmystyq isti úshinshi ret prokýratýraǵa qaıtardy

ALMATY. QazAqparat- Tengri Bank isi úshinshi ret prokýratýraǵa qaıtaryldy, dep habarlaıdy QazAqparat tilshisi.

Qalalyq sottyń baspasóz qyzmetiniń málimetinshe, Almaty qalasy Bostandyq aýdanynyń № 2 aýdandyq soty qylmystyq isti qaıtadan prokýratýraǵa qosymsha tergeýge qaıtardy. Al bul 23,5 mıllıard teńgeni jymqyrý isi prokýratýraǵa qaıtarylǵan úshinshi jaǵdaı.

Eske sala ketsek byltyr Qarjy naryǵyn retteý jáne damytý agenttigi Tengri Bank-ti banktik jáne ózge de operatsııalardy júrgizý jónindegi lıtsenzııasynan aıyrǵan bolatyn.

Keıin Tengri Bank-tiń burynǵy menedjerlerine izdeý jarııalandy.

Sonymen qatar Tengri Bank salymshylaryna 10,7 mlrd teńge tólendi.