Sot táýelsizdigin arttyrýda qandaı jumystar júrgizilip jatyr
— Sot táýelsizdigin joǵarylatý - basty mindet. Memleket basshysynyń 2022 jylǵy Joldaýynda kórsetilgen negizgi tapsyrmalardyń biri — sottardyń táýelsizdigin joǵarylatý arqyly Joǵary sot keńesiniń mártebesin kóterý, kezeń-kezeńmen sýdıalarǵa joǵary satylardyń yqpalyn azaıtý. 2024 jyldyń 1 qańtarynan bastap aýdandyq sot tóraǵalaryn saılaý úrdisi engizildi. Qazirgi sátke deıin Joǵary sot keńesi tarapynan Prezıdentke eki márte aýdandyq sot tóraǵasyn saılaý jolymen taǵaıyndaý jóninde usynys berildi. Sonymen qatar qylmystyq qýdalaý oryndarynyń sýdıalarǵa qatysty arnaıy is-sharalar júrgizý quqyǵyn Bas prokýrormen ǵana sanktsııalaý jóninde ózgerister engizildi», - dedi ol OKQ alańynda.
Onyń aıtýynsha, sýdıalar ár isti qaraý barysynda tek zańǵa ǵana táýeldi bolýy kerek. Óziniń kásibı biliktiligi deńgeıinde sheshimdi tek zań turǵysynan qabyldaýǵa mindetti.
— Joǵary sottyń normatıvtik qaýlysyna sáıkes, sot protsesine syrtqy kúshter yqpal etken jaǵdaıda, zańnamada tıisti jaýapkershilikter bar, - dedi QR Joǵary sot keńesiniń múshesi.
Aıta keteıik, buǵan deıin Memleket basshysy sýdıalardy irikteýdiń obektıvtiligin qamtamasyz etý úshin Joǵary sot keńesiniń quramyn qaıta qaraý kerektigin aıtqan bolatyn.
Qazirgi kezde elimizde sýdıalyq qyzmet salasynda 300 oryn bos tur.