Sot sheshimin oryndamaǵandar qandaı jazaǵa tartylady

NUR-SULTAN. QazAqparat –QR Joǵarǵy soty Mamandyrylǵan sot alqasynyń tóraǵasy Aıgúl Qydyrbaeva sot sheshimin oryndamaǵandardan óndirilip alynatyn qarjy kólemi týraly túsindirdi, dep habarlaıdy QazAqparat tilshisi.

«Ákimshilik sot óz sheshimderiniń oryndalýyna qatań baqylaýdy qamtamasyz etetin bolady. Bul úshin aqshalaı óndirip alý ınstıtýty engiziledi. Bul ákimshilik jaýapkershilik emes. Іs qaralyp jatqan protseste sýdıa aqsha óndirip alýǵa quqyly», - A. Qydyrbaeva Parlament Májilisinde Ákimshilik rásimdik-protsestik kodeks jobasynyń tanystyrylymynda.

Osy oraıda, ol mundaı shara sot sheshimi men talaptaryn oryndamaǵany úshin qoldanylatynyn atap ótti. Aqshalaı óndirip alýdyń mólsheri 10-nan 100 aılyq eseptik kórsetkishke deıin bolady.

Mysaly, Germanııada 10 000 eýroǵa deıin, Latvııada 300 eýroǵa deıin, Estonııada 32 000 eýroǵa deıin aıyppul qarastyrylǵan.

«Aqshalaı óndirip alý sot sheshimi oryndalǵanǵa deıin birneshe ret qoldanylýy múmkin. Bul sheshimniń oryndalý tártibin jáne iske qatysýshy basqa da adamdardyń quqyqtaryn qurmetteýdi arttyrady dep sanaımyz», - dep túsindirdi Joǵarǵy sot ókili.