Sot saraptamasy organdarynyń materıaldyq-tehnıkalyq bazasy 70 paıyzǵa jańartyldy
«Sot saraptamasy organdarynyń materıaldyq-tehnıkalyq bazasy 70 paıyzǵa jańartyldy. Jańa zamanaýı fýnktsıonaldyq zerthanalyq aspaptar men jabdyqtar satyp alyndy. Tozý normalaryna sáıkes kompıýterlik jáne ofıstik tehnıka jańartylýda», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, Nur-Sultan qalasynda Sot saraptamalary ınstıtýtynyń úlgilik ǵımaratynyń qurylysy júrgizilýde.
«2021-2025 jyldary respýblıkanyń taǵy 6 óńirinde ǵımarattar salý josparlanýda», - dedi Marat Beketaev.
Sonymen qatar ol «E-Saraptama» aqparattyq júıesi ázirlengenin atap ótti.
«Ony «Tórelik», «E-qylmystyq is» jáne «E-lıtsenzııalaý» aqparattyq júıelerimen shoǵyrlandyrý boıynsha jumys júrgizildi. Bıyl ónerkásiptik paıdalanýǵa qosý jáne ony taratý josparlanýda», - dedi ol.