Sot saraptamasy kadrlaryna eńbekaqy jańa model boıynshy tólenedi

ASTANA. QazAqparat - QR Ádilet mınıstrligi sot-medıtsınalyq sarapshylar eńbekaqysyn tóleýde kelisimdi tártipti engizýdi josparlap otyr. Bul jaıynda Parlament Májilisindegi Úkimet saǵatynda aıtyldy, dep habarlaıdy QazAqparat.

«Bul qadam birqatar kadrlyq problemalardy sheshýge múmkindik beredi. Búginde sot saraptamasy kadrlardyń biliktiliginiń tómendigin sezinip otyr. Sarapshylar - olar shtattaǵy qyzmetkerler, ıaǵnı jumystyń kólemi men nátıjesin eseptemeı óziniń jalaqysyn alady. Osyndaı jaǵdaılarda qyzmetkerler kásibı ósýde yntalandyrýshy tetiktermen qamtylmaǵan. Eńbekaqy tóleýdiń jańa formasy biliksiz kadrlardy yǵystyryp, nátıje beretin qyzmetkerlerdi qaldyrýǵa jol ashady», - dedi Marat Beketaev.

Onyń sózine qaraǵanda, bolashaqta kelisimdi tólem jasaý sonymen qatar jekemenshik sot saraptamasyn damytýǵa múmkindik beredi.

«Osy arqyly kadrlyq tapshylyq máselesi sheshiledi. Sot protsesine qatysýshylar túrli zertteý kózderinen sarapshylyq qorytyndyny alady. Óz kezeginde memlekettik saraptama qymbat ári qaıtalanbaly saraptamalarǵa shoǵyrlanady», - dedi vedomstvo basshysy.

Budan buryn habarlanǵandaı, Marat Beketaev Ádilet mınıstrligi sot saraptama qyzmetiniń modelin ózgertý týraly kúrdeli sheshim qabyldaǵanyn jetkizdi. Qaıta jańǵyrtýdyń máni jańa tetikterdi qurý men eskilerin ózgertýge negizdelgen. 

Sonymen qatar vedomstvo basshysy saraptama kezindegi artyq shyǵyndardy atady.