Sot sanktsııasymen Perızat Qaırattyń dúnıe-múlkine shekteý qoıyldy — QMA

<p>ASTANA. KAZINFORM &ndash; QMA qoǵamdyq qaıyrymdylyq qorynyń teń quryltaıshysy jáne basshysy Perızat Qaıratqa qatysty tergeýdi jalǵastyryp jatyr.&nbsp;</p>

 Eske sala keteıik, ol kóktemgi sý tasqynynan zardap shekken azamattarǵa kómek kórsetý úshin, sondaı-aq Palestına turǵyndaryna gýmanıtarlyq kómek kórsetý maqsatynda jınalǵan 1,7 mlrd teńgeden astam qarajatty jymqyrdy degen kúdikke ilingen bolatyn.

Sottyń sanktsııasymen qylmystyq jolmen alynǵan qarajatqa satyp alynǵan Astana qalasyndaǵy «Akbulak Riviera», «Highvill Ishim Gold», «Kók Jaılaý» (turaq oryndaryn qosa alǵanda), «Sensata Plaza» TK, sondaı-aq «Vela Village» kottedj qalashyǵyndaǵy elıtalyq jyljymaıtyn múlik, Mercedes-Benz S450, Mercedes-Benz EQE 500, Lexus LX-600, Haval avtomobılderine tyıym salyndy.

— Perızat Qaırattyń turǵylyqty jerin tintý barysynda qaıyrymdylyqqa jınalǵan qarajatqa satyp alynǵan qymbat tehnıka, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada jáne t. b. sııaqty tanymal álemdik brendterdiń kıim, aıaq kıim, zergerlik buıymdar, sómkeleri tabylyp, tárkilendi, — dep habarlady QMA.

Tárkilengen múlik zattaı dáleldemeler retinde tanylyp, is materıaldaryna qosyldy.

Tárkilengen zattar boıynsha sol anyqtaıtyn bolady.

Tergeý jalǵasýda.

QR QPK-niń 201-baby tártibindegi ózge de aqparat jarııa etýge jatpaıdy.

Tergeý jalǵasyp jatyr.

Eske sala keteıik, eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaırat ustalyp, tergeý bastalǵanyn habarlaǵan bolatynbyz. 

Artynsha, Perızat Qaırat eki aı qamaýǵa alyndy.  

Perızat Qaırat parasport federatsııasyndaǵy qyzmetinen alyndy.

Qarjylyq monıtorıng agenttigi Perızat Qaıratqa qatysty taǵy bir derekti jarııalaǵan bolatyn. 

Búgin Kazinform saıtyna shyqqan «Qaıyrymdylyq qorlary qansha salyq tólep júr» taqyrybynda jaryq kórgen saraptamalyq maqalamen tanysa otyryńyz.