Sot premer-mınıstr Robert Fıtsoǵa oq atqan er adamdy qamaýǵa aldy

<p>ASTANA. KAZINFORM &ndash; Sot premer-mınıstr Robert Fıtsonyń ómirine qastandyq jasady degen kúdikke ilingen 71 jastaǵy zeınetker jáne &laquo;Ozyq Slovakııa&raquo; oppozıtsııalyq lıberaldyq partııanyń jaqtaýshysy ıÝraı Tsıntýlany qamaýǵa aldy, dep habarlaıdy <a href="https://ru.euronews.com/my-europe/2024/05/18/slovakia-trial-shooting-fico" target="_blank" rel="noopener">Euronews.</a></p>

Slovakııalyq BAQ-tyń habarlaýynsha, aıyptaýshy tarap qaskúnemniń ádil sottan qashyp, jańa qylmystar jasaýy múmkin dep qaýiptený sebebimen shabýylshyny qamaýǵa alýdy talap etken.

Er adam buǵan deıin saıası sebeptermen adam óltirýge oqtalý baby boıynsha aıyptalǵan bolatyn. Sot otyrysynda ol óz kinásin moıyndady. Tsıntýlanyń isin Bratıslava mańyndaǵy Pezınok qalasynyń soty qarady. Shabýylshy 25 jylǵa bas bostandyǵynan aıyrylýy múmkin. 

«Biz úkimettiń ol (Fıtsoǵa qatysty) bastaǵan jumysyn jalǵastyratynyna kelistik. Bul kelesi aptada mınıstrler kabınetiniń kem degende eki otyrysy bolatynyn bildiredi: biri kezekti jáne ekinshisi eýropalyq qorlarmen kelissózderge baılanysty arnaıy otyrys». - dedi Slovakııa premer-mınıstriniń orynbasary jáne eldiń qorǵanys mınıstri Robert Kalınıak. 

Eske sala ketsek, qastandyq 15 mamyrda R.Fıtsoǵa Slovakııanyń Gandlov qalasynda úkimettiń kóshpeli otyrysy ótkennen keıin halyq aldyna shyqqan kezde jasaldy. 

Fıtso keýde, ish qýysy jáne qolynan jaraqat alǵan. Ol Banska-Bıstrıtsadaǵy aýrýhanaǵa jetkizildi. 

Slovakııalyq BAQ ustalǵan adamnyń jeke basy týraly málimetterdi jarııalady. Ol Slovakııanyń batysynda ornalasqan Levıtsa qalasynyń 71 jastaǵy turǵyny ıÝraı Tsıntýla bolyp shyqty.

Eki kún buryn Slovakııa premer-mınıstrine eki ret ota jasaldy. Dárigerler onyń jaǵdaıyn aýyr, biraq turaqty dep baǵalady. Kalınıak sonymen qatar Fıkonyń esin jıǵanyn, biraq onyń jaǵdaıy jaqyn kúnderi ony Banska-Bıstrıtsadan Bratıslavadaǵy aýrýhanaǵa jetkizýge múmkindik bermeıtinin atap ótti.

Buǵan deıin habarlaǵanymyzdaı, prezıdent Qasym-Jomart Toqaev Slovakııa Premer-mınıstri Robert Fıtsoǵa qastandyq jasalýyna baılanysty bul terrorlyq áreketti qatań aıyptaıtynyn jáne mundaı qaraýlyqty múlde aqtaýǵa bolmaıtynyn málimdedi.