Sot oryndaýshylarynyń júktemesi aýyr - Ádilet mınıstri

NUR-SULTAN. QazAqparat – Qazaqstanda 2,5 myńǵa tarta sot oryndaýshy qyzmet etip júr. Bul týraly QR Ádilet mınıstri Qanat Mýsın «aıtty, dep habarlaıdy QazAqparat tilshisi.

«Qıyn salalardyń biri sot sheshimderin oryndaýǵa qatysty bolyp tur. Elimizde 2,5 myńǵa jýyq sot oryndaýshysy bar. Onyń ishinde 263-i memlekettik jáne 2221-i jeke sot oryndaýshy bolyp qyzmet etip jatyr», - dedi Q. Mýsın elordada ótken baspasóz máslıhatynda.

Onyń aıtýynsha, sot oryndaýshylaryna tıesili júkteme óte aýyr bolyp tur. Sot aktilerin oryndaýǵa qatysty bir qyzmetshige júkteletin ister sany artqan. Qazirgi kezde olar boryshty óteý jáne basqa da másele boıynsha túrli salany qamtyp tur.

Ádilet mınıstrliginiń málimetinshe, Nur-Sultan qalasynda 18 memlekettik jáne 253 jeke sot oryndaýshysy bar.

Budan buryn habarlanǵandaı, bıyl aqpan aıynda sot oryndaýshylardyń óndirisinde jalpy kólemi 9 trln teńgeden asatyn 6 mln 760 642 qujat bolǵan.