Sot oryndaýshylar múgedek ákeniń járdemaqydan jyryp, balalaryna tólep otyrǵan alımentin ıemdengen

<p>Astana prokýratýrasy qyzmetten shettetilgen jeke sot oryndaýshylarynyń qarajat jymqyrý faktilerin anyqtady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Bas prokýratýranyń resmı ókili Darhan Dúısembaıdyń málimetinshe, eki jeke sot oryndaýshysy, qyzmeti toqtatylǵanyna qaramastan, alty aı boıy 87 balaǵa alıment tóleýge arnalǵan aqshany ózderi alyp otyrǵan. 

Mysaly, jeke sot oryndaýshysy 2-toptaǵy múgedek ákeniń áleýmettik járdemaqy esebinen balalar úıindegi eki balasyna aýdarǵan alımentin jymqyrǵan.

Taǵy bir jeke sot oryndaýshysy qaıtys bolǵan alıment tóleýshiniń bank shotynan aqshany sheship alyp, ony óz qajetine jumsaǵan.

Jalpy olar 5 mln teńge qarajat jymqyrǵan.

Búginge, prokýrorlardyń aralasýynan keıin 34 balaǵa zalal óteldi, qalǵandary boıynsha jumys jalǵasyp jatyr. 

Alaıaqtyq jáne ókilettigin teris paıdalaný faktileri boıynsha sotqa deıingi tergeý bastalǵan.