Sot Qýandyq Bıshimbaevtyń uıaly telefonyn tekserip jatyr

<p>ASTANA. KAZINFORM &ndash; Elordada eks-sheneýnik Qýandyq Bıshimbaevqa qatysty sot ótip jatyr. Qazir ashyq sot otyrysynda aıyptalýshynyń jeke uıaly telefonyndaǵy aýdıo, foto, vıdeo dálelderdi zerttep jatyr.</p>

«Q.Bıshimbaev sottyń zertteýi úshin uıaly telefonynyń parolin berýge kelisedi», - dedi Q. Bıshimbaevtyń advokaty Gazan Ǵazymjanov.

Eske sala keteıik, buǵan deıin Qýandyq Bıshimbaev uıaly telefonynyń parolin bermeı, tek qorǵaýshylaryna senip tapsyratynyn aıtqan edi.

Qýandyq Bıshimbaevtyń uıaly telefonynan 12 beınejazba tabyldy.

Sýdıanyń aıtýynsha, vıdeolar 8-nen 9-shy qarashaǵa qaraǵan túni túsirilgen. Beınejazbalar meıramhananyń VIP-bólmesinde, kóshede jáne Bıshimbaevtyń kóliginde túsirilgen. Vıdeojazbada aıypty azamattyq nekedegi Saltanat Núkenovany beıádep sózdermen qorlaǵany estiledi.

Óz kezeginde Q.Bıshimbaev mobıldi telefonyndaǵy vıdeolardyń qaıdan paıda bolǵanyn bilmeıtinin jáne olardyń montaj ekenin málimdedi.

Aıta keteıik, búgin Q.Bıshimbaev isine qatysty sot otyrysyna BAQ ókilderiniń kirýine qaıta ruqsat berildi.