Sot Qýandyq Bıshimbaevtyń merziminen buryn bostandyqqa shyǵýyn túsindirdi

<p>Burynǵy Ulttyq ekonomıka mınıstri Qýandyq Bıshimbaevtyń jazasyn tolyq ótemeý sebebi aıtyldy, dep habarlaıdy Kazinform Shymkent qalalyq sottarynyń <a href="https://www.facebook.com/sudshymkent" target="_blank" rel="noopener">Facebook-</a>paraqshasyna ilteme jasap.</p>

Astana qalasynyń mamandandyrylǵan aýdanaralyq qylmystyq sotynyń 2018 jylǵy 14 naýryzdaǵy úkimimen Q. Bıshimbaev 10 jylǵa bas bostandyǵynan jáne (Qylmystyq kodekstiń 366-babynyń 4-bóligi, 28-babynyń 3-bóligi-189-babynyń 4-bóligi 2-tarmaǵy, 58-baby 3-bóligi boıynsha), múlki tárkilenip, memlekettik qyzmette qyzmet atqarý quqyǵynan ómir boıyna aıyryldy.

Q.Bıshimbaev 2017 jylǵy 10 qańtarda ýaqytsha ustaý ızolıatoryna qamaýǵa alyndy jáne jazasyn óteý sol kezden bastap esepteldi. Sottalýshy óz kinásin moıyndady.

Prezıdenttiń 2019 jylǵy 13 aqpandaǵy jarlyǵymen Q. Bıshimbaevqa keshirim berildi, oǵan taǵaıyndalǵan jaza merzimi 10 jyldan 4 jylǵa deıin qysqartyldy.

Sodan soń Q. Bıshimbaev sotqa 1 jyl 3 aı 13 kún qalǵan ótelmegen jaza merzimine jazany óteýden shartty túrde merziminen buryn bosatý týraly ótinish joldady.

Onyń shartty túrde merziminen buryn bosatylýy zańnyń talaptaryn tolyq qanaǵattandyrdy. Ol 2/3 merzim qyzmet etti, mekeme ákimshiligi oń sıpattama berdi, tártip buzǵan joq. Sondaı-aq, 1,5 mln teńgeden astam kólemde is júrgizý shyǵyndaryn ótedi. 

Sondyqtan Shymkent qalasy Abaı aýdandyq sotynyń 2019 jylǵy 25 qyrkúıektegi qaýlysymen Q.Bıshimbaevtyń ótinishi qanaǵattandyryldy.

Q. Bıshimbaev 2019 jyldyń 11 qazanynda bostandyqqa shyqty. Jaza merzimi 2021 jyldyń 9 qańtarynda aıaqtaldy.

Aıta keteıik, Іshki ister mınıstrligi Astana meıramhanasyndaǵy kisi ólimi boıynsha Qýandyq Bıshimbaevtyń ustalǵanyn rastady.