Sot QR UQK polkovnıgin 6 jylǵa bas bostandyǵynan aıyrdy

NUR-SULTAN. QazAqparat – Sot bas bostandyǵynan aıyrylǵan Ulttyq qaýipsizdik komıtetiniń polkovnıgine qatysty úkimin ózgertti, dep habarlaıdy QazAqparat Nur-Sultan qalalyq sotynyń baspasóz qyzmetine silteme jasap.

Baspasóz qyzmetiniń málimetterine qaraǵanda, Esil aýdandyq sotynyń úkimimen bıylǵy jyldyń 25 qańtarynda UR Ulttyq qaýipsizdik komıtetiniń polkovnıgi E.E. Arystan men onyń jubaıy E.Dúısenqyzy alaıaqtyq áreketi úshin bas bostandyǵynan aıyrylǵan edi. Al E.E.Arystan qosymsha para berýge májbúrleý áreketi boıynsha da aıyptaldy.

Sottalǵandar adamdar tobynyń senimine kire otyryp, aldyn ala kelisip alyp, zardap shekken azamattyń balasyn QR UQK akademııasyna túsiremiz degen jeleýmen 15 myń AQSh dollaryn alǵan.

2021 jyldyń 10 naýryzy kúni Nur-Sultan qalasynyń soty atalǵan úkimdi ózgertti. E.E.Arystanovqa «laýazym ıesi óziniń ókilettigin paıdalana otyryp» alaıaqtyq jasady degen aıyp taǵylyp, 6 jylǵa bas bostandyǵynan aıyryldy. Endi ol ómir boıyna memlekettik qyzmette isteı ete almaıdy. Al jazasyn qylmystyq-atqarý júıesiniń qaýipsizdik deńgeıi ortasha mekemesinde óteıtin bolady.

Onyń jubaıy E.Dúısenqyzyna qatysty úkim ózgerissiz qaldy.