Sot korpýsyn edáýir jańartyp, oǵan túrli quqyq salalarynyń mamandaryn tartý kerek - Toqaev
«Azamattardyń quqyqtary laıyqty qorǵalmasa, áleýmettik-ekonomıkalyq turǵydan damý múmkin emes. Bul – aksıoma, aqıqat. Osy oraıda, sot júıesiniń táýelsizdigin nyǵaıta túsý úshin reformany sońyna deıin jetkizýimiz kerek, - dedi Prezıdent.
Q. Toqaevtyń aıtýynsha, memleket tarapynan qolǵa alynǵan sharalarǵa jáne Joǵarǵy sot tóraǵasynyń tikeleı ózi kúsh salyp jatqanyna qaramastan, sot korpýsynyń sapasyna qatysty áli de túıtkilder bar.
«Sot júıesi jabyq korporatsııa bolmaýǵa tıis. Sondyqtan, sot korpýsyn edáýir jańartyp, oǵan túrli quqyq salalarynyń mamandaryn tartý kerek. Úmitkerlerdi iriktegen kezde olardyń kásibı tájirıbesimen qatar, jeke qasıetterin de eskergen abzal. Bul jumys buqaralyq aqparat quraldarynda ashyq kórsetilýge tıis», - dedi Memleket basshysy.