Sot Qaırat Qudaıbergendi qamaýda ustaý merzimin taǵy uzartty

ALMATY. QazAqparat - Sot Qaırat Qudaıbergendi qamaýda ustaý merzimin 2023 jyldyń 21 mamyryna deıin uzartty, dep habarlaıdy QazAqparat tilshisi.

«Almaty mamandandyrylǵan aýdanaralyq tergeý sotynyń 2023 jylǵy 17 sáýirdegi aqparaty boıynsha, sot qaýlysymen tergeý organdarynyń Q.-ǵa qatysty qamaýda ustaý merzimin uzartýyn sanktsııalaý týraly ótinishi qanaǵattandyryldy. ıAǵnı 2023 jyldyń 21 mamyryna deıin», - delingen sot málimetinde.

Aıta keteıik, Qaırat Qudaıbergenniń ustalǵany týraly aqparat 22 sáýirde paıda bolǵan edi. 24 sáýir kúni sot qaýlysymen tergeý organdarynyń ótinishi qanaǵattandyrylyp, Qaırat Qudaıbergenge qatysty áreketti saralaý týraly qaýly shyǵarylǵanǵa deıin ony 30 táýlik merzimge kúzetpen ustaý túrindegi bultartpaý sharasyna sanktsııa berilgen bolatyn. Q.Qudaıbergenge «Dıkıı» Armanmen birge qańtar oqıǵasy kezinde adam jınaýdy uıymdastyrdy degen aıyp taǵylyp otyr.