Sot Qaırat Boranbaevtyń tergeý organdarymen mámilege kelýin qanaǵattandyrdy
Sot protsesi birinshi satydaǵy erejeler boıynsha apellıatsııadan ótti.
Q. Boranbaevtyń advokaty Danııar Qanafın sotta málimdegendeı, ótinish kináni moıyndaý jáne tergeý organdarymen yntymaqtastyq týraly mámile jasasýdan turady. Ótinishti barlyq qorǵaýshylar qoldady.
Atalǵan másele kelesi otyrysta qaralady, biraq ýaqyty aıtylmady.
«Ótinishti sot alqasy qanaǵattandyrady. Eger sizde múmkindik bolsa, búgin qatysýshylarmen talqylaýǵa bolady. Bul prokýrordyń da, meniń de usynysym. Óıtkeni is uzaq ýaqytqa sozylyp jatyr, ár qatysýshynyń talqylaıtyn sátteri bolýy múmkin. Protsessýaldyq kelisimniń kezeńi endi bastalatynyn eskere otyryp, biz sizge naqty derekterdi ataı almaımyz. Daıyn bolǵan kezde taǵy jınalamyz. Sot otyrysy jabyq dep jarııalanady», - dedi sýdıa Aısulý Slambekova.
Eske sala keteıik, 2022 jyly 17 naýryzda sottyń sheshimimen Qaırat Boranbaev 2 aıǵa qamalǵan edi.
Qarjylyq monıtorıng agenttigi kvazımemlekettik sektorda asa iri kólemde qarajat jymqyrý faktisi boıynsha qylmystyq isti tergep jatyr. Kúdikke ilingen Q.Boranbaev ýaqytsha ustaý ızolıatoryna qamaldy.
Ótken jyly 30 jeltoqsanda Astanada Qaırat Boranbaevqa qatysty sot otyrysy bastaldy.
Óz kezeginde prokýror Qaırat Boranbaevty 8 jylǵa bas bostandyǵynan aıyryp, múlkin tárkileýdi surady.
Keıin Qaırat Boranbaevtyń syrtqa zańsyz shyǵarylǵan aktıvterdi qaıtara bastaǵany belgili boldy.
Bıyl 31 naýryzda sot Qaırat Boranbaevqa 8 jylǵa bas bostandyǵynan aıyrý týraly úkim shyǵardy.