«Sot kabıneti» servısin jetildirý úshin saýalnama júrgizilýde - Joǵarǵy Sot
Saýalnamanyń maqsaty - júzege asyrylyp jatqan reformalarǵa, sondaı-aq «100 naqty qadam» Ult Josparyn iske asyrý sheńberinde qazaqstandyq sottar jumysynyń sapasy men qoljetimdiligine azamattardyń kózqarasyn anyqtaý.
Saýalnama arqyly sottar jumysyna aqparattyq tehnologııalardy engizý, sot satylarynyń sanyn qysqartý, kásibılik, sýdıalardyń ádebi men minez-qulyq mádenıeti, sot protsesterin aýdıo, beınetirkeý júıesiniń jumysy, sottar jumysynyń ashyqtyq deńgeıi men sapasy týraly respondentterdiń pikirin bilý josparlanyp otyr. Buǵan qosa, sot jumysyn jaqsartý jónindegi tyń usynystar da kútiledi.
Saýalnamaǵa Qazaqstannyń barlyq óńirlerindegi sot protsesine qatysýshylar, sondaı-aq atalǵan servıske tirkelgen ózge de adamdar respondent retinde qatysa alady. Saýalnamaǵa qatysý úshin olar «Sot kabıneti» servısinde tirkelýi kerek.
Qazirgi tańda 50 myńnan astam azamat «Sot kabıneti» aqparattyq servısiniń tutynady. Joǵarǵy Sot bul jobany 2014 jyly iske qosty.