«Sot kabıneti» aqparattyq servısiniń jańa qyzmetteri iske qosyldy - Іlııas Ispanov
Osy mindettiń qalaı oryndalyp jatqany týraly Joǵarǵy Sottyń janyndaǵy Sottardyń qyzmetin qamtamasyz etý departamentiniń basshysy Іlııas Ispanov keńinen toqtalyp ótti.
- Aqparattyq tehnologııalardyń qaryshtap damýy jáne osyǵan baılanysty qoǵam suranysynyń artýy olardy sot júıesiniń qyzmetinde paıdalanýdy udaıy jetildirýdi qajet etedi. Joǵarǵy Sot 2014 jyly iske qosqan «Sot kabıneti» servısi elektrondyq ózara is-qımyl arqyly sot isin júrgizýdi jeńildetýge, sondaı-aq sot júıesiniń anyqtyǵyn, qoljetimdiligin qamtamasyz etýge jáne jedel jumys isteýine baǵyttalǵan.
«Sot kabıneti» azamattarǵa sot aktilerin kassatsııalyq tártippen qaıta qaraý týraly talap-aryzdardy (aryzdardy), apellıatsııalyq shaǵymdardy, ótinishhattardy elektrondyq qujat nusqasynda berýge, memlekettik bajdy ınternet arqyly nemese paıdalanýshy úshin qolaıly basqa oryndar arqyly onlaın rejıminde tóleýge múmkindik beredi.
Búgingi tańda servısti paıdalanýshylar sany - 52 438 adam. Servıs jumys istegen ýaqyt ishinde sottarǵa elektrondyq túrde 660 875 qujat berildi.
«Sot kabıneti» 2016 jyldan beri paıdalanýshylarǵa jetildirilgen túrde qyzmet kórsete bastady. Onyń qurylymy da ózgerdi.
Jańarǵan servıs ákimshilik quqyq buzýshylyqtar týraly is boıynsha is júrgizýdi júzege asyratyn organnyń (laýazymdy adamnyń) is-áreketterine shaǵym (ÁQBtK-niń 44-taraýyna sáıkes); ákimshilik quqyq buzýshylyqtar týraly is boıynsha zańdy kúshine enbegen qaýlylardy qaıta qaraý týraly shaǵym (ÁQBtK-niń 45-taraýyna sáıkes); talap-aryzdar men shaǵymdar boıynsha habarlamalar, sondaı-aq «Taldaý» forýmy sııaqty qosymsha bólimderdi qamtıdy.
Osy jylǵy 1 naýryzdan bastap paıdalanýshylarǵa habarlamalardy jiberý qyzmeti iske qosyldy. Ol shyǵarylǵan sot aktisi boıynsha habarlama jiberedi ári sol sot aktisin PDF formatynda kórý úshin silteme jasaıdy. Sonymen qatar, habarlama arqyly «Іsterdi qaraý barysy» bólimine aýysýǵa múmkindik bar. Osynyń nátıjesinde is boıynsha shyǵarylǵan barlyq sot aktilerin kórýge ári jazyp alýǵa bolady.
«Sot kabıneti» servısinde iske qosylǵan «Taldaý» forýmy týraly erekshe aıtqym keledi. Ol Іster sanattarynyń biryńǵaı jiktegishin, materıaldardy, sot praktıkasynyń qorytýlaryn jáne Sot aktileri derekqoryn, Joǵarǵy Sottyń normatıvtik qaýlylaryn paıdalanýdyń negizinde quryldy. «Sot kabıneti» biryńǵaı sot praktıkasyn qalyptastyrýǵa múmkindik beredi.
«Sot kabıneti» servısin paıdalanýshylar onyń múmkindikterin, ıaǵnı ony turǵyndardyń keńinen paıdalanatynyn, osy servıstiń advokattardyń, sýdıalardyń jáne sottar mamandarynyń tıimdi jumys isteýine, azamattardyń quqyqtyq mádenıetiniń artýyna, azamattardyń ózderiniń konstıtýtsııalyq quqyqtaryn qorǵaýyna oń yqpal etip otyrǵanyn atap kórsetýde.
Aldaǵy ýaqytta paıdalanýshylarǵa atqarý paraqtaryn, shaǵymdar men ótinishhattardy QPK-niń 106 jáne 107-baptaryna sáıkes qylmystyq sot isin júrgizý tártibimen elektrondyq túrde jiberýge múmkindik beretin bólimderdi ashý josparlanyp otyr. Sondaı-aq sot aktisine shaǵym berý merzimi jáne sot organdarynan shyǵatyn resmı qujattarǵa apostıl qoıý jónindegi qyzmetter iske qosylady.
Qazirgi zamanǵy elektrondyq tehnologııalardy sot júıesine engizý azamattardyń sot tóreligine qol jetkizý deńgeıin arttyrýǵa, quqyqtyq qoǵamnyń barlyq múshelerine jáne buqaralyq aqparat quraldaryna sottardyń qyzmeti týraly jedel aqparat alýǵa múmkindik berdi.
«Sot kabıneti» týraly pikirlerińiz ben usynystaryńyzdy 707-0245 @sud.kz elektrondyq adresi boıynsha Joǵarǵy Sottyń jaýapty adamyna jiberýge bolady. Sonymen qatar kez kelgen adam osy máseleler týraly Baılanys ortalyǵy - 1401 telefony boıynsha habarlasa alady.
Іlııas Ispanovtyń aıtýynsha, jańa tehnologııalardy engizý jónindegi jumys odan ári jalǵasatyn bolady.