Sot isine qatysty habarlamalardyń ıesine kedergisiz jetkizilýine jol ashyldy
Bul qujat Joǵarǵy sot pen «Qazposhta» arasyndaǵy tıimdi áriptestik kelisimdi rásimdeıdi. Kelisimge Joǵarǵy Sottaǵy sýdıalar qyzmetin qamtamasyz etý departamentiniń jetekshisi І.Ispanov pen «Qazposhta» aktsıonerlik qoǵamy tóraǵasynyń orynbasary M.Jarylqaǵanov qol qoıdy.
Júzege asqan bul áriptestiktiń tıimdiligi habarlamalardyń adresattarǵa der kezinde jetkizilýine jol ashady. Bul úshin sottardyń keńse qyzmetkerleri arnaıy senimhat jáne akt boıynsha poshta baılanys bólimderinen toqsandyq shtrıhty poshta ıdentıfıkatorlaryn (ShPI) ıelenedi. Bul arnaıy kod hatty jiberýde qoldanylady.
Memorandýmǵa qol qoıý sátinde Ispanov myrza bul sharanyń úsh tarap ıaǵnı, sot organdary, «Qazposhta» júıesi jáne azamattar úshin óte tıimdi ekenin atap kórsetti. Bul shara óz kezeginde elimizdiń sot júıesi qyzmetiniń ashyqtyǵyn, qoljetimdiligin, tıimidiligin qamtamasyz etedi. Ásirese, hattardyń der kezinde jetýi azamattar úshin qolaıly.
Máselen, olar úshin sottardyń otyrysyna jan-jaqty daıyndalý, qajet qujattardy jınaqtaýǵa ýaqyt molynan jetetin bolady. Sonymen qatar árbir hattyń adresatqa tııý kepildigi bar. Óz kezeginde olardy jiberýdiń shyǵyny da azaıyp, taraptar bul sharadan kem degende júz elý teńge únemdeıdi.
Mundaı áriptestiktiń ózderi úshin tıimdiligin Jarlyqaǵanov myrza da qýana atap kórsetti. Onyń aıtýynsha, atalmysh tehnologııalyq baılanys nátıjesinde «Qazposhtadaǵy» eńbek ónimdiligi birneshe ese artpaq. Máselen, hattar jıi jiberiletin elektrondy adresterdi jazyp jatýdyń qajeti bolmaıtyny júıede saqtalyp turatyny hattardy qabyldaıtyn opertorlardyń ýaqytyn birneshe esege únemdep, jumystyń qarqynyn ósiredi eken. Bul árıne, jylyna 19-20 mln dana, al kúnine 19 myń hat-habar jóneltip, olardan jaýabyn kútetin elimizdiń sot organdary úshin óte tıimdi bolmaq.