Sot ǵımaratynda ózine pyshaq salǵan atyraýlyqqa qylmystyq is qozǵaldy

<p>ATYRAÝ. KAZINFORM &ndash; Atyraýlyq jigit sot ǵımaratynda ózine pyshaq salǵan. Sottalýshyǵa medıtsınalyq kómek kórsetilip, keıin tergeý ızolıatoryna qamaldy.</p>

Oqıǵa Atyraý oblystyq sotynyń ǵımaratynda 31 mamyr kúni saǵat 12:30 shamasynda bolǵan. Bul derekti Atyraý oblystyq polıtsııa departamentiniń baspasóz qyzmeti rastady.

«Sottalýshy óz-ózine qol jumsaýǵa oqtaldy. Osy derekke qatysty qylmystyq is qozǵaldy. Sot-medıtsınalyq saraptama taǵaıyndaldy. Sottalýshyǵa medıtsınalyq kómek kórsetildi. Sodan soń tergeý ızolıatoryna oqshaýlandyryldy. Ózge aqparat tergeý múddesine sáıkes jarııalaýǵa jatpaıdy», -dep habarlady departamenttiń baspasóz qyzmeti.

Eske sala ketelik, budan buryn Atyraýda balabaqsha aýlasynda ıtti qorlaǵan er adamǵa qylmystyq is qozǵalǵanyn jazǵan edik. 

Sondaı-aq, Atyraý oblysynyń turǵyndary polıtsııaǵa 36 qarý men 76 oq-dári tapsyrǵanyn habarlaǵan bolatynbyz.