Sot arqyly sheshildi: 33 adam 13 mlrd teńgege bankrot dep tanyldy

<p>ASTANA. KAZINFORM &ndash; Sot arqyly bankrot rásimin qoldanýǵa 3,3 myń adam júgindi. Bul týraly Qarjy mınıstrligi Memlekettik kirister komıteti basqarmasynyń basshysy Merýert Sısembaeva málim etti.</p>

«Sot arqyly bankrottyq jáne tólem qabilettiligin qalpyna keltirý rásimderin qoldaný úshin sotqa jalpy 3 350 azamat júgindi. Onyń ishinde 33 adam 13 mlrd teńgege bankrot dep tanyldy. 4 adam tólem qabiletin qalpyna keltirip jatyr», - dedi M.Sısembaeva.

Onyń aıtýynsha, atalǵan 33 adamnyń bank aldyndaǵy qomaqty qaryzy jınaqtalyp qalǵan.

«Kezinde bankter jeke kásipkerlerge qaryzdardy bergen. Qazir bul adamdarda kásipkerligi joq, ıaǵnı jeke ózi ǵana qalǵan. Sondyqtan osy adamdar sot arqyly bankrot dep tanylyp jatyr. Bul rette, kezinde osy qomaqty qarajatty bergen bank ókilderine biraz suraq bar. Osy oraıda Qarjy naryǵyn retteý agenttigine hat joldadyq. ıAǵnı mundaı qomaqty qarajat bergen qarjy uıymdarynan suraý bolý kerek shyǵar. Biz tek bankrottyq máseleni rettep jatyrmyz. Qazir 5-15 jyl qaryzyn ótemegen adamdar kelip jatyr», - dedi komıtet ókili Kazinform agenttigine bergen jaýabynda.

Eske salsaq, 2023 jyly 3 naýryzdan bankrottyqqa ótinim qabyldaý bastalady. 

Sodan beri 19 tamyzdaǵy jaǵdaı boıynsha sottan tys bankrot rásimine 109 myń 696 adam ótinish berdi. 35 mlrd tegeden astam somaǵa 15,1 myń adam bankrot dep tanyldy. 

Atap aıtqanda, elimizde qaryz máselesin sheshýdiń 3 rásimi eskerilgen, ıaǵnı sottan tys bankrottyq, sot arqyly bankrottyq jáne tólem qabiletin qalpyna keltirý joldary bar. Sottan tys bankrottyq bank, mıkroqarjy uıymdary men kollektorlyq agenttikter alyndaǵy 1600 AEK-ten (5,9 mln teńgeden aspasa) tómen bereshek boıynsha qoldanylady. Bul is-shara 6 aıǵa sozylady. Onyń barysynda boryshkerdiń shottaryndaǵy qarajatqa, múlikke qatysty monıtorıng jasalady.