ASTANA. KAZINFORM – Kaır qalasynda 18 jasqa deıingiler arasynda ITF Juniors J300 týrnıri máresine jetti.
Jasóspirimder arasynda álemdik reıtıngide 105-orynda turǵan qazaqstandyq Sonıa Jıenbaeva tabysty óner kórsetip, jekeleı jáne juptyq synda fınalǵa deıin jetti.
S.Jıenbaeva jekeleı synda sońǵy básekede ǵana Polsha ókili Monıka Stankevıchke (27 ITF Juniors) 4:6, 6:1, 4:6 esebimen ese jiberdi. Al juptyq synda taǵy bir qazaqstandyq Asyljan Arystanbekovamen birge fınalda reseılikter Darıa Egorova – ıÝlııa Perepahınaǵa jol berdi – 3:6, 1:6.
Sonıa men Asyljan Mysyrda qalady. Olar osy aptada birinshi sanattaǵy J500 jarysynda baq synaıdy.
Eske sala keteıik, budan buryn Anna Danılınanyń Dýbaı WTA týrnıriniń ekinshi aınalymyna ótkenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).