Sońǵy jyldary qutqarýshylardyń jabdyqtaryna 33 mlrd teńge jumsalǵan
«2018-2020 jyldarǵa arnalǵan azamattyq qorǵaý bólimshelerin materıaldyq-tehnıkalyq jaraqtandyrý týraly» jol kartasyna sáıkes, jalpy somasy 33,4 mlrd teńgege túrli maqsattaǵy 597 dana tehnıka, 22 myńnan astam órt-qutqarý jabdyqtary satyp alyndy. 2021-2023 jyldarǵa arnalǵan tıisti jol kartasynda jalpy somasy 47,9 mlrd teńgege 731 órt-qutqarý tehnıkasyn, 21362 órt-tehnıkalyq jáne apattyq-qutqarý jabdyqtaryn jáne 9492 arnaıy jabdyq satyp alý kózdelgen», - dep jazdy Roman Sklıar óz jaýabynda.
Onyń aıtýynsha, atalǵan jol kartasyn iske asyrý órt-qutqarý bólimsheleriniń tehnıkalyq jaraqtaný deńgeıin 18%-ǵa arttyrýǵa múmkindik beredi. Bıyl jergilikti atqarýshy organdar jalpy somasy 8,7 mlrd teńgege túrli maqsattaǵy 192 avtotehnıka men 1543 jabdyq satyp alýdy josparlady.
«Respýblıkalyq bıýdjettik komıssııa 2022 jyly respýblıkalyq bıýdjetten 39 dana órt tehnıkasyn satyp alý úshin 2,1 mlrd teńge qarajat bólýdi qoldady. Budan basqa, bıyl 24 qyrkúıekte Reformalar jónindegi joǵary keńes otyrysynda Memleket basshysy «Qaýipsiz el» ulttyq jobasyn maquldady. Sonyń sheńberinde 2025 jylǵa deıin halyqty jáne aýmaqtardy tótenshe jaǵdaılardan qorǵaý, azamattyq qorǵaý kúshteri men quraldarynyń daıyndyq deńgeıin arttyrý, onyń ishinde órt depolary men órtke qarsy qurylymdar qurý, áýe kemelerin satyp alý, azamattyq qorǵanystyń áskerı bólimderin jaraqtandyrý sharalary kózdelgen», - dedi R. Sklıar.