Sońǵy jyldary qaýipti óndiristik nysandarda apat jıilep barady – ıÝrıı Ilın
10:23, 15 Maýsym 2021
NUR-SULTAN. QazAqparat – Sońǵy jyldary qaýipti óndiristik nysandarda apat jıilep barady. Bul týraly Úkimet otyrysynda QR Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.
«Sońǵy jyldary qaýipti óndiristik nysandarda apat ósiminiń ortasha eseppen 15 paıyzǵa artýy baıqalady. Júrgizilgen saraptama qaýiptiń óndiristegi tehnogendik apattan týyndaýynyń áli de joǵary deńgeıde ekendigin kórsetip otyr. Bıyl elimizdiń qaýipti óndiristik nysandarynda 11 apat jáne 146 oqıǵa tirkeldi. Apat saldarynan 5 adam zardap shekken», - dedi mınıstr.
Onyń dereginshe, qaýipti óndiristik nysandardaǵy apat negizinen óndiristik qaýipsizdik talaptarynyń buzylýyna jol berýden, qoldanystaǵy qural-jabdyqtardyń tozýynan, jumysshylardyń óndiristik jáne eńbek tártibiniń tómendiginen oryn alady.