Sońǵy jyldary basyna qater tóngen quqyq qorǵaýshylar sany artyp otyr
«Adam quqyqtaryn qorǵaýda da, ony ilgeriletýde de negizgi salmaq quqyq qorǵaýshylarǵa túsedi. Sonymen qatar, olardyń qyzmetimen baılanysty qaýipter, táýekelder jıi týyndaıtyny belgili. Qazaqstandaǵy quqyq qorǵaýshylardyń qaýipsizdigine qatysty jaǵdaıdy baqylaý barysynda, sońǵy jyldary ártúrli qaterlerge ushyraǵan belsendilerdiń sany jyl saıyn ósip otyrǵany belgili boldy», - deıdi A. Oshaqbaeva.
Onyń aıtýynsha, bundaǵy jaǵdaı alańdatarlyq. Sonymen qosa, baǵdarlama úılestirýshisi quqyq qorǵaýshylardy qorǵaýdyń ulttyq tetikterin jetildirip, ony halyqaralyq deńgeıge deıin kóterý qajettigin atap ótti.
Aıta keteıik, Astanada ótip jatqan konferentsııa QR Prezıdenti janyndaǵy Adam quqyqtary jónindegi komıssııa men «Qadir qasıet» qoǵamdyq birlestigi birlese otyryp, Nıderlandy Koroldiginiń, BUU Adam quqyqtary jónindegi Joǵarǵy komıssar basqarmasynyń, sondaı-aq Soros-Qazaqstan qorynyń qoldaýymen ótkizilýde.