Sońǵy úsh jylda órtten 1,5 myńǵa jýyq adam ajal qushty

ASTANA. QazAqparat - Sońǵy úsh jylda órt saldarynan kelgen jalpy shyǵyn mólsheri 15,5 mldr. teńgeni qurady. Bul týraly búgin Astanada Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń otyrysynda QR Bas prokýrory Ashat Daýylbaev málim etti.

«Sońǵy úsh jylda 46 myńnan astam órt oqıǵalary tirkelip, onyń saldarynan 1,5 myńǵa jýyq adam ajal qushty, bunyń ishinde 174-i balalar. 1776 adam túrli jaraqat aldy. Órt saldarynan kelgen jalpy shyǵyn mólsheri 15,5 mldr. teńgeni qurady. Barlyq órtterdiń shamamen 70 paıyzy turǵyn úı sektorlarynda oryn aldy jáne onyń úlesine órtten qaza bolǵan adamdardyń 90 paıyzy tıesili», - dedi Basprokýror. Onyń sózine qaraǵanda, eki myńǵa jýyq órt óndiristik mańyzdaǵy neysandarda, eki myńnan astamy adamdar jappaı jınalatyn jerlerde oryn aldy. Alty jarym myńnan astam kólik quraldary órtendi. Órttiń basym bóligi Qaraǵandy jáne Shyǵys Qazaqstan oblystarynda tirkeldi.