Sońǵy úsh jylda ǵana qurama jem óndirý kórsetkishinde oń dınamıka baıqalýda - AShM

ASTANA. QazAqparat - 1991 jyldan beri elimizde qurama jem óndirý kólemi 5,8 esege tómendep ketken. Búgin Májiliste qurama jem ónerkásibisin jańǵyrtý taqyrybyna arnalǵan dóńgelek ústel barysynda Aýyl sharýashylyǵy vıtse-mınıstri Saparhan Omarov osylaı málimdedi.

Vıtse-mınıstrdiń aıtýynsha, qurama jem qunyn ishinara datalaýdy toqtatý, qus jáne mal basy sanynyń qysqarýy, olardyń úlesiniń jeke qosalqy sharýashylyqtarda ulǵaıý qurama jemge suranystyń azaıýyna ákep soqtyrǵan. Sonymen qatar, aýyl sharýashylyǵy taýaryn óndirýshiler qurama jemdi naryqtyq baǵaǵa alýǵa múmkindikteri bolmaǵandyqtan, ony paıdalaný kólemi de kúrt tómendep ketken. «Osy sebepterge baılanysty táýelsizdik jyldarynan beri elimizde qurama jem óndirý kólemi kúrt quldyrady. Máselen, eger 1991 jylǵa deıin Qazaqstan boıynsha qurama jemdi óndirýdiń ortasha kólemi 4 mln. tonnany quraǵan bolatyn. Al Statıstıka komıtetiniń derekterine sáıkes, 2014 jyly olardyń óndirisi 5,8 esege qysqaryp, 685,2 myń tonna bolyp otyr. Degenmen, oblystyq aýyl sharýashylyǵy basqarmalarynyń derekteri boıynsha qurama jemniń barlyq túrin óndirý 900 myń tonnany quraǵan», - deıdi S. Omarov.

Onyń aıtýynsha, sońǵy úsh jylda ǵana qurama jem óndirý kórsetkishinde oń dınamıka baıqalýda. «Mundaı ósim negizinen jemge degen suranysqa, sonyń ishinde birinshi kezekte aýylsharýashylyǵy qurylymynda qus jáne mal basy sanynyń ósýine qatysty bolyp tabylady», - dedi Saparhan Omarov.