Sońǵy táýlikte Qostanaı oblysyna 1 myńnan astam Reseı azamaty keldi - polıtsııa
«Sońǵy táýlikte Qostanaı oblysyna 1 myńnan astam Reseı azamaty keldi. Kóshi-qon aǵyny eki ese artty. Osyǵan baılanysty kóshi-qon qyzmeti basqarmasy shetel azamattarynyń oblys aýmaǵynda bolý tártibin eske salady. Sheteldik azamat QR Memlekettik shekarasyn kesip ótken sátten bastap qabyldaýshy tarap 3 jumys kúni ishinde sheteldiktiń naqty bolǵan jeri boıynsha ishki ister organdaryn habardar etedi. Bul rásimdi «e.Qonaq» aqparattyq júıesi nemese «vızalyq jáne kóshi-qon portaly» arqyly júzege asyrýǵa bolady.
Qazaqstan aýmaǵyna kelgen Reseı, Armenııa, Belarýs, Qyrǵyzstan, Ázerbaıjan jáne Tájikstan azamattary 90 kúnge deıin elden tys jerlerge ketýge mindetti. Kórsetilgen merzimnen artyq bolǵan jaǵdaıda olar turǵylyqty jeri boıynsha HQKO-larǵa júginip, ýaqytsha turýǵa ruqsat resimdeýi qajet», - dep málim etti jergilikti quzyrly organnyń baspasóz qyzmetinen.
Eske salaıyq, Qazaqstan Respýblıkasyna kelip jatqan Reseı azamattarynyń artýyna baılanysty Іshki ister mınıstrliginiń Kóshi-qon qyzmeti resmı túrde málimdeme jasady.
Sondaı-aq, Syrtqy ister mınıstrliginiń baspasóz qyzmeti Reseı azamattarynyń elge kirý jáne bolý tártibi týraly túsinikteme berdi.