Sońǵy qońyraýda shar ushyrýǵa esh tyıym joq – Ǵanı Beısembaev

ASTANA. QazAqparat – Oqý-aǵartý mınıstrligi sońǵy qońyraýda áýege shar ushyrýǵa tyıym salǵan joq. Bul týraly atalǵan vedomstvonyń basshysy Ǵanı Beısembaev aıtty, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken baspasóz máslıhatynda BAQ ókilderi áleýmettik jelide ata-analar sońǵy qońyraý is-sharasynda maqtaý qaǵazyn tapsyrýǵa jáne áýege shar ushyrýǵa tyıym salynǵanyn jazyp jatqanyn, bul aqparattyń ras-ótirigin mınıstrden suraǵan edi.

«Mınıstrlik tarapynan alǵys hat nemese maqtaý qaǵazyn berýge qatysty eshqandaı tyıym joq Bul qandaı da bir jeke bastama shyǵar. Іs júzinde biz de aqparat alyp otyrmyz. Óńirlerdegi sapany qamtamasyz etý departamentteri atalǵan is-sharalardy uıymdastyrýǵa monıtorıng júrgizedi. Mınıstrlik tarapynan eshqandaı tyıym salý bolǵan joq», - dep jaýap berdi mınıstr.