Sońǵy eki jylda sábılerge Aızere men Aıala esimi sırek qoıyla bastady

ASTANA. QazAqparat - Birinshi kredıt bıýrosy sońǵy eki jylda qyz balalarǵa qoıylǵan tanymal esimder qalaı ózgergenine taldaý jasady, dep habarlaıdy QazAqparat.

Maýsym aıynda qyz balaǵa jıi qoıylǵan 10 esim:

- Medına – 551

- Aılın – 482

- Aısha – 452

- Asylym – 440

- Tomırıs – 305

- Safııa – 284

- Raıana – 283

- Aıym – 266

- Ámına - 257

- Aıala - 246.

Uldarǵa qaraǵanda qyz balalar esiminde 2021 jyldan beri kóp ózgeris bola qoıǵan joq. Bul jaǵdaıda qazaqstandyqtardyń qalaýy sonshalyqty qubylmaly emestigin moıyndaǵan jón.

2021 jyldyń maýsymyndaǵydaı, Medına men Aılın esimderi reıtıngtiń kósh basynda tur. Eń tómengi oryndarda - Aıym men Ámına.

Degenmen, azdaǵan ózgerister bary ras. Aısha esiminiń tanymaldyǵy kúrt ósti - qazir ol úzdik úshtikti túıindep tur (eki jyl buryn 4-orynda edi). Tomırıs esimi 10-shy orynnan birden 5-shi orynǵa kóterildi.

Sonymen qatar, Raıana men Aıala qyzdarǵa sırek qoıyla bastady. Aızere tizimnen múlde joǵalyp ketti. Onyń ornyna Safııa keldi.

Jyl basynan beri 189,5 myń bala dúnıege keldi (98 myń ul, 91,5 myń qyz).

Bir jyl ishinde jańa týǵan náresteler sany 4,3% (8,6 myń adam) tómendegen, eki jylda bul kórsetkish 12,3% (26,7 myń adam) boldy.

Eske sala keteıik, biz buǵan deıin maýsym aıynda ul balalarǵa jıi qoıylǵan esimderge sholý usynǵan edik.