Sońǵy eki aptada KVI-men syrqattaný 1,2 esege tómendedi - Erlan Qııasov

NUR-SULTAN. QazAqparat – QR Densaýlyq saqtaý vıtse-mınıstri, bas memlekettik sanıtarlyq dáriger Erlan Qııasov koronavırýs juqtyrý deńgeıi tómendegenin aıtty, dep habarlaıdy QazAqparat tilshisi.

«Sońǵy eki aptada KVI-men syrqattanýshylyqtyń deńgeıi 1,2 esege tómendedi. Epıdemıologııalyq jaǵdaıdyń matrıtsasyna sáıkes, Qazaqstan Respýblıkasy sońǵy eki apta boıy «jasyl» aımaqta tur. Búgingi kúni «qyzyl» aımaqta turǵan óńir joq», - dedi E. Qııasov Ortalyq kommýnıkatsııalar qyzmetinde.

Onyń aıtýynsha, «sary» aımaqta – 5 óńir (Batys Qazaqstan, Qostanaı, Aqmola, Pavlodar oblystary jáne Nur-Sultan qalasy) bar.

«Qalǵan 11 óńir «jasyl» aımaqta ornalasqan», - dedi vıtse-mınıstr.