Sońǵy bes jylda Qazaqstannyń elektr energetıkasyna 700 mlrd. teńge ınvestıtsııa tartyldy

ASTANA. QazAqparat - Shekti tarıfterdi engizýdiń arqasynda sońǵy bes jylda Qazaqstannyń elektr energetıkasyna 700 mlrd. teńge ınvestıtsııa tartyldy. Bul týraly búgin Astanada QR Energetıka vıtse-mınıstri Baqytjan Jaqsalıev málim etti.

«Biz naryqtyq jaǵydaıda ómir súrýdemiz. Sondyqtan biz kásiporyndarǵa jańa ınnovatsııalyq tehnologııalardy óndiriske engizý úshin olarǵa talap qoıyp qana qoımaı, yntalandyrý tetikterin qoldaný qajet. Energetıkany damytý saıasatymyz osyndaı bolmaq», - dedi ol.

Vıtse-mınıstrdiń sózine qaraǵanda, sondaı yntalandyrýshy tetikterdiń biri shekti tarıfterdiń engizilýi boldy.

«Atalmysh tarıfterdi qoldanǵan bes jylda jyl saıynǵy elektrenergetıkasyna baǵyttalyp otyrǵan ınvestıtsııa kólemi 5 ese ósti jáne 700 mlrd. teńgege jetti», - dedi B. Jaqsalıev.