Sońǵy bes jylda Qazaqstanda 9 terakt oryn aldy - Bas prokýratýra
"Halyqaralyq lańkesterdiń qyzmeti keńeıip jatyr. Kún saıyn terrorlyq aktilerden beıbit xalyq japa shegýde. Sońǵy eki jylda, DAISh teraktilerin qospaǵanda, 3 myńnan astam adam kóz jumdy. Onmyńdaǵan adam japa shekti. Radıkaldy toptardyń kesiri bizge tııýde. Sońǵy 5 jylda Qazaqstanda 9 terakti oryn aldy. Barlyǵymyzǵa da ortaq atalmysh qaýip-qaterlermen kúres bizdiń tyǵyz jumys isteýimizdi talap etedi", dedi ol.
Onyń sózinshe, búginde lańkestik toptar óz qatarlaryn ınternet arqyly toltyrýda.
"Ekstremısterge aqparattyq qyzmetter jumys isteıdi. Sarapshylardyń anyqtaǵanyndaı, lańkesterdiń qataryna jastardyń 80 paıyzy ınternet arqyly qosylǵan. BUU málimetteri boıynsha, sheteldik lańkester óz qatarlaryn tolyqtyra túsýde. Qazir DAISh qatarynda álemniń 80 memleketinen kelgen azamattar bar. Olardyń sany zańsyz mıgratsııalyq joldar arqyly molaıyp jatyr. Lańkestik uıymdardy qarjylandyrý júıesi de jetilýde. Qazir olar esirtki satýdan, zańsyz qarý-jaraq aınalymynan, tonaýdan, munaıdan, adam saýdasynan qarajat túsirýde. Oǵan qarsy is-sharalardyń tıimdiligi tek memleketterdiń birlesken is-qımylynyń negizinde ǵana sheshýge bolady", - dep atap ótti A. Kravchenko.
Dóńgelek ústel alańyn paıdalana otyryp, A. Kravchenko barlyq elderge ortaq Lańkestikpen kúres konventsııasyn qabyldaýdy usyndy.
"Lańkestik uǵymyn belgileýde túrli túsiniktemeler berilýde. Biliktilik pen jaýapkershilik formalarynyń biryńǵaılyǵyn belgileý qajettiligi týyndaýda. Buny Lańkestikpen kúres konventsııasyn qabyldaý arqyly ǵana sheshýge bolady dep sanaımyz", - dedi ol.