Sońǵy bes jylda elimizde jumyssyzdyq kórsetkishi 5,6 paıyzdan 4,9 paıyzǵa deıin tómendedi
Depýtattyń aıtýynsha, táýelsizdik jyldary memleket halyqty jumyspen qamtý, áleýmettik qoldaý jáne jumyssyzdyqpen kúres baǵytynda aıtarlyqtaı aýqymdy jumystar atqardy.
«Máselen, osy jyldar ishinde respýblıkamyzda qarqyndy damyp jatqan eńbek naryǵy qalyptasty, jumyspen qamtý deńgeıi aıtarlyqtaı artty. Statıstıka organdarynyń málimetine qaraǵanda, sońǵy bes jylda jumyssyzdyq kórsetkishi elimizde 5,6 paıyzdan 4,9 paıyzǵa deıin tómendedi. 2015 jyldyń úshinshi toqsanynda jumyssyzdar sany 3,1 paıyzǵa qysqardy. Al jaldamaly jumysshylar sany 6,3 mln. adamdy qurap, 221,1 myń adamǵa artty», - deıdi V. Redkokashın.
Onyń sózine qaraǵanda, álemdik kúrdeli ahýal men onyń elimizge áseri jaǵdaıynda jumyssyzdyqty retteý jańa qadamdardy talap etedi. «Jańa zań jobasy eńbek naryǵyn retteý úshin tıimdi tetikterdi qamtýǵa baǵyttalyp otyr. Sonymen qatar, qujattaǵy halyqaralyq tájirıbelerdi engizý men damyǵan elderdiń standarttaryna kóshý máselesi ózekti bolyp tabylady», - dedi ol.