Sońǵy 5 jylda qurylǵan jańa jumys oryndarynyń sany tek 3% ósti – mınıstrlik

ASTANA. QazAqparat – Sońǵy besjyldyqta elimizde qurylǵan jańa jumys oryndarynyń sany tek 3% ósti. Bul týraly «Ashyq» NQA portalynda jarııalaǵan «Eńbek naryǵyn damytýdyń 2028 jylǵa deıingi keshendi josparyn bekitý týraly» Úkimet qaýlysynyń jobasynda jazylǵan, dep habarlaıdy QazAqparat tilshisi.

«2000 jyldardyń basynda shıkizat taýarlary naryǵynda suranystyń ósýi kezeńinde Qazaqstan ónim eksportynyń kólemin birtindep ulǵaıtty. Bul - ekonomıkanyń ósýin qamtamasyz etti. Elimiz halyqaralyq shıkizat, kólik jáne qarjy salalaryna ene bastady. Ol óz kezeginde respýblıkadaǵy barlyq salalardyń damýyna túrtki boldy. Nátıjesinde 2002-2006 jyldary ekonomıkanyń naqty ósýi 60%-dy qurady. Al jumys oryndarynyń sany 19%-ǵa ósti. Degenmen odan keıin ártúrli daǵdarystardyń áserinen jalpy ishki ónimniń ósimi baıaýlaıdy. Bul jańa jumys oryndaryn qurýǵa keri áserin tıgizedi. Sońǵy besjyldyqta jumys oryndarynyń sany tek 3%-ǵa ósti», - delingen Eńbek jáne halyqty áleýmettik qorǵaý mınıstrliginiń jaǵdaıǵa jasaǵan taldaý qujatynda.

Vedomstvo dereginshe, 2010-2021 jyldar ishinde jumyspen qamtylǵandar sany 9%-ǵa ulǵaıǵan. Alaıda, dál osy aralyqta jaldamaly jumyskerler sany - 24%, ózin qyzmetpen qamtyǵandar 23%-ǵa qysqarǵan.

Qosa ketsek, joǵaryda atalǵan máselelerdi sheshý úshin mınıstrik Eńbek naryǵyn damytýdyń 5 jyldyq josparyn bekitýdi usynyp otyr.