Sońǵy 3 jylda qazaqtyń aqbas tuqymdy iri qara sany 1,5 eseden astamǵa artty - AShM

ASTANA. QazAqparat - Sońǵy úsh jylda qazaqtyń aqbas tuqymdy iri qara sany 1,5 esege artyp, 217 myń mal basyna jetti, dep málimdedi búgin Aýyl sharýashylyǵy mınıstri Asyljan Mamytbekov qazaqtyń aqbas tuqymyna arnalǵan respýblıkalyq palata músheleriniń jıynynda. Bql týraly primeminister.kz saıtynda habarlady.

«Aqbas tuqymynyń jyldan-jylǵa ósip kele jatqandyǵy baıqalady. Eger zańnamaǵa ózgeris engizerden buryn olardyń sany 130 myń bolsa, búgingi tańda olar 217 myńǵa jetti. Ósim qysqa merzim ishinde 50 paıyzǵa deıin artyp otyr», - dedi A.Mamytbekov.

Onyń málimetinshe, asyl tuqymdy túrlendirýde 600 myńnan astam saýdaǵa arnalǵan analyq iri qara mal basy qamtylǵan.

«Osy mal basy kúnnen-kúnge artyp keledi. Eger sybaǵa.kz saıtyn ashsańyz, búgingi kúnniń 10 saǵaty boıynsha málimetti kóresizder. Onda únemi sandar ózgerip turady. Sońǵy ret kirgenimde 620 myńǵa jýyq mal basy tirkelgen bolatyn, ıaǵnı 620 myń analyq iri qara mal basy asyl tuqymdy buqalarmen jumys jasaıdy. Bul ónimdi mal basyn alýǵa kómektesip, analyq mal basynyń sapasyn jaqsartady. Osylaısha, bizde eksport paıda bolyp, ishki naryq tolyqty», - dep tolyqtyrdy ol.