Sońǵy 2 jylda birqatar oblystyq teatrlarǵa birde-bir páter bólinbegen - Mádenıet mınıstri
Oblystyq teatrlar úshin únemi kún tártibinen túspeı kele jatqan ózekti máselelerdiń biri ártisterdi baspanamen qamtý bolyp otyrǵanyn basa aıtqan ol: «Ókinishke oraı, oblystyq teatrlardaǵy jaǵdaı múlde basqasha. Keıingi 2 jyl ishinde Aqmola, Atyraý, Mańǵystaý, Qaraǵandy, Qostanaı, Qyzylorda, Pavlodar, Solústik Qazaqstan, Jambyl oblystyq teatrlaryna birde-bir páter bólinbegen», - dedi.
Mınıstrdiń atap ótýinshe, tek Astana qalasy, Aqtóbe, Batys Qazaqstan, Shyǵys Qazaqstan oblystarynyń teatrlarynda ǵana jyl saıyn ártisterge páter bólinip keledi.
«Osy turǵydan kelgende qazaq jáne orys teatry ujymdaryna úsh-úshten 6 páter bergen Shyǵys Qazaqstan oblysynyń basshylyǵyna oblystyq óner ushymdary dán rıza ekendigin atap ótkim keledi», - degen M.Abraruly osy otyrystan keıin oblys ákimderi óz múmkindikterin qaıta qarap, qaramaǵyndaǵy teatrlardyń baspana máselesin ońtaıly sheshetindigine úmit artatyndyǵyn basa aıtty.