Sońǵy 10 jylda elimizde aýyl sharýashylyǵy óndirisiniń kólemi 41 paıyzǵa ulǵaıdy
Mınıstrdiń aıtýynsha, qazirgi agroónerkásiptik keshen ekonomıkanyń turaqty damyp kele jatqan salasy ǵana emes, ekonomıkalyq tartymdy sala bolyp tabylady.
«Bul rette, osynaý otandyq agrosektordyń qalyptasýy kezeńinde Eýrazııalyq ekonomıkalyq odaq elderi senimdi seriktes bola bildi. Sońǵy 10 jylda aýyl sharýashylyǵy óndirisiniń kólemi 41 paıyzǵa ulǵaıdy. Aýyl sharýashylyǵy óniminiń eksporty 59 paıyzǵa ulǵaıyp, 2 mlrd. dollarynan asty. Bul rette Eýrazııalyq ekonomıkalyq odaq elderine eksport kólemi 379 mln. AQSh dollaryn qurady», - dedi mınıstr. Onyń sózine qaraǵanda, aýyl sharýashylyǵynyń negizgi kapıtalyna salynǵan ınvestıtsııalar kólemi 2015 jyly 167,0 mlrd. teńgeni qurap, bul shamamen 3,4 esege ulǵaıdy.
«Alaıda, otandyq agroónerkásiptik keshen áleýeti anaǵurlym joǵary. Buǵan qosa, ónimimiz kópshilik jaǵdaıda eýrazııalyq naryqta teń dárejede básekelesedi. Bul jaqsy, alaıda, munda osy básekelesetin ónim óndirisin kóbine Eýrazııalyq ekonomıkalyq odaq elderiniń úkimetteri sýbsıdııalaıtynyn atap ketken jón. ıAǵnı, shyn máninde, memlekettik qoldaýdyń bir-birimizge tıgizer tıimdiligin tómendetýdemiz nemese basqasha aıtqanda, saýdalyq teketiresterdi qarjylandyrýdamyz», - dedi vedomstvo basshysy.