Sońǵy 10 jylda Almatyǵa ózge elden kelýshiler sany úsh esege artqan

NUR-SULTAN. QazAqparat – Búgin Almaty qalasyn odan ári damytý máseleleri jóninde ótken keńes barysynda Memleket basshysy Qasym-Jomart Toqaev ońtústik astana men onyń tóńiregin damytýdyń taǵy bir mańyzdy baǵyty retinde týrızm salasyn atady, dep habarlaıdy QazAqparat.

Prezıdenttiń aıtýynsha, sońǵy 10 jylda Almatyǵa ózge elden kelýshilerdiń sany úsh esege artqan, al, 2019 jyly bul kórsetkish 435 myńǵa jetken. Іshki týrızm boıynsha da oń ózgerister bar.

Sondaı-aq Prezıdent Almaty Mercer kompanııasy ótkizetin bedeldi reıtıngke qosylǵan birden-bir qala ekenin atap ótti.

Memleket basshysy atalǵan baǵyttaǵy birqatar problemany, onyń ishinde, qyzmet kórsetý salasyndaǵy olqylyqtar jaıynda aıtty.

Qasym-Jomart Toqaev Almaty qalasy men Almaty oblysynyń ákimderine aglomeratsııa aıasynda týrızmdi damytýdyń birlesken baǵdarlamasyn ázirleýdi tapsyrdy.