Sońǵy jyldary bilim salasyna salynǵan ınvestıtsııa 6 ese ósti

<p>ASTANA. KAZINFORM &ndash; Sońǵy jyldary bilim salasyna salynǵan ınvestıtsııa 6 ese ósti. Bul týraly búgin Úkimet otyrysynda &laquo;Jaıly mektep&raquo; ulttyq jobasynyń iske asyrylý barysyn talqylaý kezinde Premer-Mınıstrdiń birinshi orynbasary Roman Sklıar aıtty.</p>

«Oqý-aǵartý mınıstrligi usynyp otyrǵan tásil nazar aýdarýǵa turarlyq deýge bolady. Tásil konkýrstyq negizde memlekettik-jekeshelik áriptestik prıntsıpterine negizdelgen. Bıznes qaýymdastyq tarapynan úlken qyzyǵýshylyq baıqalady. Sońǵy jyldary bilim salasyna salynǵan ınvestıtsııa 6 ese ósti. Jalpy, osy tetikti jeke ınvestıtsııalar esebinen iske asyrý memlekettik bıýdjetke túsetin júktemeni azaıtýǵa múmkindik beredi. Onyń arqasynda basqa jobalarǵa nazar aýdarýǵa múmkindik týyndaıdy», - dedi Roman Sklıar.

Premer-Mınıstrdiń orynbasary – Ulttyq ekonomıka mınıstri Nurlan Baıbazarov ta Oqý-aǵartý mınıstrligi usynyp otyrǵan tásildi qoldaıtyndyǵyn atap ótti.

«Óıtkeni, bul tek qana bıýdjettik júktemeni tómendetý emes, jalpy kásipkerlikti damytýǵa, otandyq taýarlardy satyp alýǵa, ınvestıtsııalardyń ósýine yntalandyrady. Jańa jumys oryndarynyń ashylýyna septigin tıgizedi. Sondyqtan tolyǵymen qoldaımyz», - dedi ol.

Osy oraıda Úkimet basshysy Oljas Bektenov odan: «Memleketke tıimdi bola ma?», - dep surady. 

«Iá, bizdiń esebimiz boıynsha edáýir únemdi bolady. Bizdiń naqty esebimiz bar. Óte paıdaly bolady dep oılaımyz», - dedi Ulttyq ekonomıka mınıstri.