Sońǵy úkim: 23 mamyrdan el kınoteatrlarynda A. Baıtursynuly týraly fılm kórsetiledi

<p>ASTANA. KAZINFORM &ndash; Astanada &laquo;Sońǵy úkim&raquo; fılminiń aldyn ala jabyq kórsetilimi ótti. Bul - qazaqtyń kórnekti aǵartýshysy, qoǵam qaıratkeri Ahmet Baıtursynuly jaıly týyndy.</p>

Fılmniń sıýjeti Ahmet Baıtursynulynyń ómirbaıanyna negizdelgen. Tarıhı dramany Mádenıet jáne aqparat mınıstrliginiń tapsyrysymen, Ulttyq kınony qoldaý memlekettik ortalyǵynyń qoldaýymen Folklore media stýdııasy túsirgen.

Jabyq kórsetilimge qatysqan Mádenıet jáne aqparat mınıstri Aıda Balaeva fılmdi túsirgen belgili qalamger, rejısser, prodıýser, qazaq televızııasyna da eleýli úles qosqan Ǵalym Dosken bastaǵan topqa alǵys aıtty.

Kórkem fılmdi túsirýge eki jyldan astam ýaqyt ketken.

«Estelikteriniń ózinde qaıshy tustar kezdesedi. Onyń ózi qanshalyqty ras ekenin tekserip alý kerek. Sondyqtan biz barynsha sol kezdegi jaǵdaıǵa, sol kezdegi shyndyqqa, sol kezdegi saıası jaǵdaıǵa osy fılm jaýap bere ala ma, joq pa degenge basymdyq berdik», - deıdi kıno prodıýseri.

Aıta keteıik, fılmde basty roldi, ıaǵnı Ahmetti Qazaqstannyń eńbek sińirgen qaıratkeri Azamat Satybaldy somdady. Sondaı-aq kartınaǵa Darıa Aleksandrova, Erkebulan Daıyrov, Aıdar Naýryzbaev túsken. Týyndy 23 mamyrdan bastap el kınoteatrlaryna jol tartady.

                                                                                                                                                                                                                                          Altynbek Ámıt