ORAL. KAZINFORM — Batys Qazaqstan oblysynda birqatar ózende sý deńgeıi kóterilse, keıbireýinde tómendedi.
«Qazgıdromet» RMK BQO fılıalynyń dırektory Tilegen Shapanovtyń málim etkenindeı, 29 naýryz kúngi tańǵy saǵat 08.00-degi málimet boıynsha Jaıyq ózenindegi sý deńgeıi Oral qalasyndaǵy gıdrobekette sońǵy táýlikte 95 santımetrge kóterilip, 229 santımetrge (qaýipti shegi — 850 sm) jetti.
Bórli aýdany Jarsýat aýyly tusynda 343 (+35, qaýipti shegi — 1 myń sm), Aqjaıyq aýdany Mergende 350 (+29, 850 sm) santımetr bolsa, esesine Báıterek aýdany ıAnvartsev eldi mekeninde Jaıyqtyń qarqyny báseńdegen (-65, 215 sm).
Eske sala keteıik, budan buryn BQO-da Shaǵan jáne Derkól ózenderinde sý deńgeıi kóterilip jatqanyn jazǵan edik.
Sondaı-aq BQO-da Bykovka ózenindegi sý deńgeıi bir táýlikte 110 santımetrge kóterildi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).