Sońǵy táýlikte Atbasarda 164 adam evakýatsııalandy - Aqmola oblysy
Aqmola oblysy TJD baspasóz qyzmetiniń málimetinshe, sý tasqyny bastalǵannan beri Atbasar aýdanynda barlyǵy 411 adam evakýatsııalanǵan bolsa, onyń 127-si bala, 12-si múmkindigi shekteýli jan jáne 1 júkti áıel bar. Sý basqan úılerdiń turǵyndaryn qaýipsiz jerge shyǵarý áli de jalǵasyp jatyr.
«Atbasar aýdanynda 100-den astam úı men 1 mektepti sý basty. Tasqyn sýǵa qarsy sharalarǵa jergilikti atqarýshy organdar men azamattyq qorǵaýdyń jeke quramynan 50-den astam adam jumyldyrylǵan. Sońǵy bir táýliktiń ishinde aýdan boıynsha 164 adam evakýatsııalandy, onyń 11-i múmkindigi shekteýli adam, 1-ýi júkti áıel jáne 50-i bala. Budan bólek, táýligine 49800 tekshe metr sý sorylyp, ınertti materıal salynǵan 400 qap tóseldi», - dedi vedomstvodan.
Aıta ketsek, budan buryn Atbasar aýdanynda 50-den astam adam evakýatsııalanǵanyn jazǵan edik.