Sońǵy eki táýlikte Jaıyq ózeninde sý kóterilgen joq
13:57, 24 Sáýir 2024
<p>ASTANA. KAZINFORM – Batys Qazaqstan oblysynda erigen qar sýynan keletin qaýip joq. Bul týraly oblystyq Tótenshe jaǵdaılar departamentiniń resmı ókili Nurjan Tóleýish málimdedi.</p>
«Táýlik ishinde sý deńgeıi 1 sm tústi, qazirgi deńgeıi 8 m 63 sm bolyp otyr. Bul áli de Jaıyq ózeniniń qaýipti deńgeıinen 13 sm bıik. Sol sebepti oblys boıynsha sý tasqynynyń aldyn alý jumystary qarqyndy túrde jalǵasyp jatyr», - dedi spıker Ortalyq kommýnıkatsııalar qyzmetinde.
Obylstyń 8 aýdanynda jaǵdaı turaqtalsa, 4 aýdan jáne Oral qalasynda qaýiptiń beti áli seıilgen joq.
«Jaıyqtyń jaǵasyn nyǵaıtý, bıiktetý, damby salý, qapshyq tóseý jumystary qarqyndy jalǵasyp jatyr. Ótken táýlikte 27 adam evakýatsııalandy, onyń jeteýi – bala. Jalpy, óńirde 13 979 adam evakýatsııalandy, onyń 2441-i evapýnkte ornalasqan. Qazirgi ýaqytta oblysta erigen qar sýynan keletin qaýip joq», - dedi N.Tóleýish.