Sońǵy eki aıda alty adam sýǵa batyp ketti – TJM

<p>ASTANA. KAZINFORM &ndash; Ótken jyldyń 1 jeltoqsanynan kúni búginge deıin el aýmaǵynda 6 adam sýdan ajal qushty. Bul týraly Tótenshe jaǵdaılar mınıstrligi Azamattyq qorǵanys komıteti tóraǵasynyń orynbasary Alekseı Sovetov málim etti.&nbsp;</p>

«Qys túskeli halyq arasynda aqparattyq túsindirý jumystary júrgizilip keledi. 2023 jyldyń 1 jeltoqsanynan bastap elimizdiń sý aıdyndarynda 6 adam sýǵa batyp ketti. Onyń ishinde 1 kámelet jasyna tolmaǵan jasóspirim boldy», - dedi Alekseı Sovetov Ortalyq kommýnıkatsııalar qyzmeti alańynda ótken baspasóz máslıhatynda.

Mınıstrlik málimetine sáıkes, Jetisý oblysy boıynsha 2 adam, Abaı, Aqmola, Túrkistan, Qyzylorda jáne Jambyl oblysynda 1 sýǵa batý faktisi tirkeldi. 
Odan bólek, qys túskeli 59 adam qutqaryldy, onyń ishinde 4 kámeletke tolmaǵandar bar.

Azamattyq qorǵanys komıteti ókiliniń aıtýynsha, qystygúni sý aıdyndary men muzda júrý erejelerin saqtamaýdyń jáne elemeýdiń arty qaıǵyly oqıǵaǵa alyp keledi. Ony taldaý nátıjesi kórsetip otyr.