Sońǵy 6 jylda Japonııadaǵy eń iri IPO-dan keıin Tokyo Metro-nyń aktsııalary 47,3%-ǵa artty

<p>ASTANA. KAZINFORM &ndash; Tokyo Metro Co. aktsııalary cársenbi kúni Tokıo qor bırjasynda sátti debıýt jasap, 1200 ıen (7,9 dollar) ornalastyrý baǵasynan 47,3%-ǵa joǵarylady, dep habarlaıdy <a href="https://english.kyodonews.net/news/2024/10/01f18868ea16-tokyo-metro-shares-debut-in-japans-biggest-ipo-in-6-yrs.html" target="_blank" rel="noopener">Kyodo News</a>.&nbsp;</p>

Azııadaǵy eń kóne metronyń aktsııalary negizinen jeke ınvestorlardyń úlken qyzyǵýshylyǵyn týdyrdy. Japonııa men Tokıo úkimetteri árqaısysy óz aktıvteriniń jartysyn satqan. Buǵan deıin olar tıisinshe 53,4% jáne 46,6% ıelendi.

Ortalyq úkimet túsken qarajatty 2011 jylǵy naýryzda Japonııada bolǵan joıqyn jer silkinisi men tsýnamıden keıingi qalpyna keltirý jumystaryn qarjylandyrý úshin shyǵarylǵan oblıgatsııalardy óteýge jumsaıdy.

Japonııada SoftBank Group Corp. 2018 jyldyń jeltoqsanynda telekommýnıkatsııalar bólimin ornalastyrǵannan beri naryqtyq kapıtaldandyrý da, aktsııalardy ornalastyrý baǵasy da eń joǵary bolyp otyr.

«Jeke ınvestorlardyń arasynda Tokıo metrosynyń aktsııalaryna degen suranys kompanııanyń turaqty tabysy men tartymdy dıvıdendter kirisiniń arqasynda kúsheıip otyr», - dedi NLI Research Institute aktsııalar jónindegi bas strateg Sıngo Ide. 

Degenmen, ol operatordyń aktsııalary bastapqy dúrbeleń basylǵannan keıin satyla bastalýy múmkin ekenin eskertti.