Sońǵy 5 jylda alǵash ret vegetatsııa kezinde Aralǵa 977 mln tekshe metr sý jiberildi

<p>ASTANA. KAZINFORM &mdash; QR Sý resýrstary jáne ırrıgatsııa mınıstrligi jyl basynan Qytaı, Reseı jáne Ortalyq Azııa memleketterimen transshekaralyq ózender boıynsha 28-ge jýyq otyrys ótkizdi.</p>

Sý dıplomatııasynyń nátıjesinde sýarý kezeńinde Shardara sý qoımasyna 4,8 mlrd tekshe metr sý tústi. Bul ótken jylǵy kórsetkishten eki ese jáne kelisilgen kólemnen 1,1 mlrd tekshe metrge artyq.

Memleketaralyq «Dostyq» kanaly arqyly kelisilgen kólemnen 41 mln tekshe metrge artyq, 532,4 mln tekshe metr sý keldi. Qapshaǵaı sý qoımasy sońǵy 10 jylda alǵash ret 18 mlrd tekshe metrden artyq sý jınap, 100%-ǵa toldy.

«Sońǵy 5 jylda alǵash ret vegetatsııa kezinde Aralǵa 977 mln tekshe metr sý jiberilip, jospar 100%-ǵa jýyq oryndaldy. Al, jyl basynan beri teńizge 2 mlrd tekshe metrden astam sý tústi. Osynyń nátıjesinde, búgingi tańda Soltústik Araldyń sý kólemi 22 mlrd tekshe metrge jetti», — dep jazdy mınıstrlikten.