Sońǵy 22 jylda aýyl sharýashylyǵyna bólinetin sýbsıdııa 150 ese artqan

<p>ASTANA. KAZINFORM &mdash; Belgili agrarlyq sarapshy, &laquo;Aýyl&raquo; partııasy tóraǵasynyń birinshi orynbasary Tóleýtaı Rahymbekov keıingi 22 jylda aýyl sharýashylyǵyna bıýdjetten bólinetin sýbsıdııa kólemi 150 ese óskenin aıtady.</p>

«Jalpy aýyl sharýashylyǵyna memleket tarapynan qomaqty qarjy bólinip otyr. Sýbsıdııanyń ózi 500 mlrd teńgege jetti. Mysaly, 2002 jyly salaǵa bólinetin sýbsıdııanyń kólemi 3,5 mlrd teńge bolatyn. Sodan bergi 22 jyldyń ishinde 150 ese ósti. Ol kezde 1 dollar 150 teńge bolsa, qazir 450-den joǵary degenniń ózinde ınvestıtsııa úsh ese artqan. ıAǵnı, sýbsıdııanyń artýy ınvestıtsııadan múlde alda. Biraq osy sýbsıdııa úlestirý erejesin kúrdeli túrde ózgertý kerek. Qazir arzandatylǵan nesıe men sýbsıdııaǵa fermerlerdiń 5 paıyzy ǵana qol jetkizip otyr. Olar — bılikke jaqyn, ákimge jaqyn iri fermerler. Al 95 paıyz usaq sharýashylyqtardyń murnyna ol qarajattyń ıisi de baryp jatqan joq», — deıdi sarapshy.

Onyń paıymdaýynsha, sýbsıdııa úlestirýdegi ádiletsizdikti joıý úshin erejeni ózgertý kerek. 

«Aýyl» partııasy «Azyq-túlik qaýipsizdigi týraly» zań jobasyna da, Agrobank qurý týraly usynystarynda da osy máseleni kóterip júr. Bes jyldan beri ol usynystarymyz qoldaý tappaı keledi. Bizdiń partııanyń Májilistegi 8 depýtat basym daýysqa ıe bola almaǵandyqtan aıtqanymyz oryndalmaı jatyr. Parlamenttegi ókilimiz kóp bolǵanda osy usynystar iske asar ma edi», — deıdi Tóleýtaı Rahymbekov.