Sonders óziniń sátsizdikterine Golovkındi kinálady

NUR-SULTAN. QazAqparat - Orta salmaqtaǵy WBO nusqasy boıynsha burynǵy álem chempıony brıtandyq Bıllı Djo Sonders mansabyndaǵy ózgerister men orta salmaqtaǵy alǵashqy jekpe-jegine daıyndyǵy jaıly aıtyp berdi, dep habarlaıdy Sports.kz.

18 mamyr kúni anglııalyq Stıvenedjde Sonders germanııalyq Shefat Isýfımen orta salmaqta álem chempıonynyń WBO belbeýine talasady. Belbeýdiń buǵan deıingi ıesi Hılberto Ramıres bolatyn.

«Bul salmaqta qalaı bokstasatynymdy kóremiz, alaıda men úshin asa qıyn bolmaıtyny anyq. Bul kategorııada men ózimdi kúshtirek sezinemin. Shefat Isýfı - myqty boksshy, soqqysy da aýyr, óıtkeni ol jeńiske jetken 27 jekpe-jeginiń 20-syn ýaqytynan buryn aıaqtaǵan. Alaıda meniń mashyqtarym oǵan jeńil tımeıtinin bilem. Ramıres salmaq dárejesin joǵarylatyp, orta salmaqty dıvızıonǵa qaıtyp shyqpaıdy dep oılaımyn», - dedi Bıllı Djo.

Sonders taıaýda ǵana burynǵy jattyqtyrýshysy Domınık Inglden ketken bolatyn. Al qazir Taıson Fıýrıdiń jattyqtyrýshysy Ben Devısonmen jattyǵady.

«Biz Taıson ekeýmiz bir zalda jattyǵamyz. Maǵan túbegeıli ózgerister qajet boldy. Sheffıldtegi jattyǵý zaly men úshin biraz qolaısyz bolatyn. Golovkın men «Kanelo» ótken jyly bir-birimen baılanysta boldy, 2018 jyl da men úshin sátsiz jyl boldy. Maǵan jańa bastama kerektigin uqtym», - dedi Bıllı Djo Boxingscene.com-ge bergen suhbatynda.